Aliment neçə yaşa qədər verilir, aliment nədir, aliment necə tələb olunur və aliment nə üçün verilir haqqında məlumatlarla bu məqalədə tanış olacaqsınız.

Aliment Nədir?

Aliment, boşanma və ya ayrılıq vəziyyətində bir tərəfin digər tərəfə və ya uşaqlarına maddi dəstək təmin etməsi üçün ödənilən maliyyə yardımıdır. Bu halda aliment, uşaq hansı tərəfdə qalarsa, onunla yaşayarsa, həmin şəxsə aylıq olaraq, məhkəmənin təyin etdiyi məbləğdə ödənilir.

Aliment: ödəyici və alan tərəf olmaqla, iki şəxs arasında təyin olunur. Alimenti ödəyən tərəf, adətən daha yüksək gəlirə sahib olan tərəfdir. Ancaq gəlir yüksək olmasa belə, uşağın xərclərini qarşılayacaq məbləğdə ödənilməsi zəruridir. Alimenti alan tərəf isə daha çox maliyyə yardıma ehtiyacı olur və  uşaqlar onunlayaşayır.

Aliment Nə Üçün Ödənilir?

Aliment uşaqların yaşayış xərcləri, təhsil, səhiyyə və gündəlik ehtiyaclarını qarşılamaq üçün ödənilir. Boşanan tərəflərin biri, digərinə dəstək olmaq məqsədilə alimenti ödəyir ki, uşağın ehtiyacları normal səviyyədə qarşılansın. Alimentin müddəti və məbləği məhkəmə tərəfindən tərəflərin maliyyə vəziyyəti və ehtiyaclarına əsasən təyin edilir. Məhkəmə qərarı ilə təyin edilən aliment, ödəyici tərəfindənbu qərara uyğun olaraq mütəmadi olaraq ödəməlidir.

Aliment, boşanma və ya ayrılıqdan sonra maliyyə dəstəyini təmin etmək üçün vacibdir və uşaqların rifahı üçün böyük əhəmiyyət daşıyır.

Aliment neçə yaşa qədər ödənilir?

Azərbaycanda alimentin uşaqlara neçə yaşına qədər verildiyi qanunla müəyyən edilir. Ümumiyyətlə, aliment uşaqların yetkinlik yaşına çatana qədər, yəni 18 yaşına qədər ödənilir. Lakin bəzi hallarda bu müddət uzadıla bilər:

1. Ali Təhsil Alarkən:
– Əgər uşaq ali təhsil alırsa, alimentin ödənişi onun 23 yaşına qədər davam edə bilər.

2. Əlillik Hallarında:
– Uşaq əlil olduqda və özünü təmin etmək iqtidarında olmadıqda, alimentin ödənilməsi müddətsiz olaraq davam edə bilər.

3. Digər Xüsusi Hallar:
– Məhkəmə qərarı ilə müəyyən edilən xüsusi hallarda, alimentin müddəti uzadıla bilər.

Bu müddəalar valideynlərin və uşaqların hüquqlarını qorumaq üçün vacibdir və məhkəmə qərarları ilə dəqiqləşdirilə bilər.